Bugun, 3-sentabr sanasida O‘zbekiston davlat xoreografiya akademiyasi Urganch filialida o‘qishni endigina boshlagan talabalar uchun navbatdagi muhim tanishtiruv tadbiri tashkil etildi.
Talabalar filial kutubxonasi faoliyati bilan yaqindan tanishdilar. Kutubxona fondi, mavjud adabiyotlar, o‘quv va ilmiy manbalar bilan ishlash tartibi haqida ma’lumotlar berildi. Shuningdek, ular "Axborot-resurs markazi (ARM)"ning rasmiy sayti va uning imkoniyatlari bilan tanishdilar. Elektron kutubxona, ilmiy ma’lumotlar bazalari va onlayn xizmatlar haqida tushunchalar olindi.
Ushbu tanishtiruv tadbiri talabalarning mustaqil ta’lim olish ko‘nikmalarini rivojlantirish, ilmiy izlanishlarga qiziqish uyg‘otish va kutubxona madaniyatini shakllantirishga xizmat qiladi.
