📚2026-yil 12-mart kuni O‘zbekiston davlat xoreografiya akademiyasi Urganch filialida Axborot-resurs markazi tomonidan yangi adabiyotlar ko‘rgazmasi tashkil etildi.
Mazkur ko‘rgazma talaba-yoshlarning bilimini oshirish, ularni yangi o‘quv adabiyotlari bilan yaqindan tanishtirish maqsadida o‘tkazildi.Ko‘rgazmada soha va ta’lim jarayoniga oid bir qator yangi kitoblar namoyish etildi. Jumladan, “Xoreografiya asoslari”, “Musiqa faniga kirish”, “Musiqa yaratish asoslari”, “Pedagogika: o‘qish nazariyasi va amaliyoti”, “Maxsus pedagogika”, “Aktyorning o‘z ustida ishlashi” kabi adabiyotlar ko‘rgazmadan o‘rin oldi.
Tadbir davomida talabalar va o‘qituvchilar yangi nashr etilgan kitoblar bilan tanishib, ularning mazmun-mohiyati haqida ma’lumotlarga ega bo‘lishdi.
Ushbu ko‘rgazma talabalarning ilmiy dunyoqarashini kengaytirish hamda o‘quv jarayonida foydalaniladigan adabiyotlar bilan ta’minlashda muhim ahamiyat kasb etdi.
