Bugun, 3-fevral kuni O‘zbekiston davlat xoreografiya akademiyasi Urganch filialida “Rahbar va yoshlar” mavzusida ochiq muloqot uchrashuvi tashkil etildi.
Uchrashuv davomida filial direktori M.B.Kuchkarov talabalar bilan samimiy suhbatlashib, ularning taklif va mulohazalarini tingladi hamda yoshlarni qiziqtirgan savollarga atroflicha javob berdi.
Shuningdek, mazkur uchrashuvda fakultet dekani M.Amanbayeva hamda xotin-qizlar kengashi raisi B.Sapayeva ishtirok etib, talabalar bilan fikr almashdilar.
Uchrashuv davomida filialimiz faxri — “Islom Karimov” nomli davlat stipendiyasi sohibasi Dilnoza Boboqulovaning erishgan yutuqlari alohida e’tirof etildi. Uning muvaffaqiyati yoshlar uchun ibrat namunasi ekani ta’kidlandi.
Mazkur uchrashuv yoshlarning tashabbuslarini qo‘llab-quvvatlash, ularning muammolariga yechim topish hamda rahbar va talabalar o‘rtasidagi ochiq muloqotni yanada mustahkamlashga xizmat qildi.
