Kuni kecha, O‘zbekiston davlat xoreografiya akademiyasi Urganch filialida O‘quv-uslubiy kengashning 2-son yig‘ilishi bo‘lib o‘tdi.
Yig‘ilishda kengash a’zolari ishtirok etib, 2025–2026 o‘quv yili uchun ta’lim yo‘nalishlari kesimida yangi o‘quv adabiyotlarini yaratish va nashrga tayyorlash masalalari muhokama qilindi. Shuningdek, filialda tahsil olayotgan 4-bosqich talabalarining bitiruv malakaviy ishi mavzulari hamda ularning ilmiy rahbarlarini tasdiqlash yuzasidan qarorlar qabul qilindi.
Kun tartibidan o‘rin olgan masalalardan yana biri — 2025–2026 o‘quv yilining kuzgi semestrida kunduzgi va sirtqi ta’lim shakllarida o‘quv mashg‘ulotlarini sifatli tashkil etish masalasi bo‘ldi.Shuningdek, yig‘ilish davomida “HEMIS” axborot tizimining yuritilishi, o‘quv-me’yoriy hujjatlarning elektron shaklda joylashtirilganligi va tizimdagi ma’lumotlarning to‘liqligiga alohida e’tibor qaratildi.
Kengash yakunida o‘quv jarayonini samarali tashkil etish, o‘quv-uslubiy faoliyatni yanada takomillashtirish bo‘yicha tegishli tavsiyalar berildi.