Kuni kecha, O‘zbekiston davlat xoreografiya akademiyasi Urganch filiali Talabalar amaliyoti bo‘limi boshlig‘i Zulfizar Toxirova hamda Ta’lim sifatini nazorat qilish bo‘limi bosh mutaxassisi Dilnoza Atabayeva amaliyot jarayonlarini o‘rganish maqsadida talabalarning amaliyot o‘tayotgan maskanlariga tashrif buyurdilar.
Tashrif davomida ular Xorazm viloyati musiqali drama teatri hamda Urganch ixtisoslashtirilgan boshlang‘ich raqs san’ati maktab-internatida amaliyot o‘tayotgan talabalar faoliyati bilan yaqindan tanishdilar.
Mutaxassislar talabalarning amaliy mashg‘ulotlari, ijodiy jarayonlardagi ishtiroki hamda kasbiy ko‘nikmalarni egallash jarayonlarini kuzatib, ularga tegishli tavsiya va maslahatlar berdilar.
Shuningdek, amaliyot rahbarlari bilan suhbatlar o‘tkazilib, talabalarning bilim va malakalarini yanada rivojlantirish masalalari muhokama qilindi.
🎓Mazkur tashrif talabalarning amaliyot jarayonlarini samarali tashkil etish hamda ularning kasbiy tayyorgarligini yanada mustahkamlashga xizmat qiladi.