Korrupsiyaga qarshi kurashish bo‘yicha profilaktik suhbat o‘tkazildi

Bosh sahifa > FILIAL / TUZILMA / BO'LIMLAR / Korrupsiyaga qarshi kurashish bo'limi

⚡️O‘zbekiston davlat xoreografiya akademiyasi Urganch filialida 1-bosqich talabalari ishtirokida korrupsiyaga qarshi kurashish va uning oldini olishga qaratilgan profilaktik suhbat o‘tkazildi.

Suhbatni filialning Korrupsiyaga qarshi kurashish komplayens-nazorat tizimini boshqarish bo‘limi bosh mutaxassisi M.Nurullayev olib bordi. Suhbat davomida talabalarga korrupsiyaning mazmun-mohiyati, uning salbiy oqibatlari, korrupsiyaviy huquqbuzarliklarning oldini olish, akademik halollik tamoyillariga rioya etish hamda ta’lim jarayonida manfaatlar to‘qnashuviga yo‘l qo‘ymaslik masalalari yuzasidan tushunchalar berildi.

Shuningdek, talabalarga korrupsiyaga qarshi kurashish sohasidagi qonunchilik talablari, korrupsiyaviy holatlarga duch kelganda tegishli tartibda murojaat qilish va bunday holatlarning oldini olishda har bir fuqaroning mas’uliyati haqida ma’lumotlar berildi.

Tadbir yakunida talabalar o‘zlarini qiziqtirgan savollar bilan murojaat qilib, mutaxassisdan tegishli javob va tavsiyalar oldilar.