Kuni kecha O‘zbekiston davlat xoreografiya akademiyasi Urganch filialida ezgu an’ana davom ettirildi.
Filial direktori M.Kuchkarov tashabbusi bilan jamoa uchun bayramona osh damlab, xodimlar va talabalarga dasturxon yozildi.
Ushbu tadbir jamoa o‘rtasida mehr-oqibatni mustahkamlash, samimiy muhit yaratish hamda bir-biriga bo‘lgan hurmat va e’tiborni yanada oshirishga xizmat qildi.
Yig‘ilganlar ushbu tashabbusni iliq kutib olib, filial rahbariyatiga o‘z minnatdorliklarini bildirdilar. Dasturxon atrofida do‘stona suhbatlar o‘tkazilib, jamoa o‘rtasidagi birdamlik yanada mustahkamlandi.
