Bugun, 17-noyabr sanasida O’zbekiston davlat xoreografiya akademiyasi Urganch filialida talabalarga yaxshi kayfiyat ulashish, motivatsiya berish hamda kognitiv qobiliyatlarni rivojlantirish maqsadida filial psixologi Shaxnoza Raximova tomonidan 1-bosqich talabalari bilan trening mashg‘uloti o‘tkazildi va ijtimoiy-psixologik pasportlar shakllantirildi.
Ushbu trening davomida talabalar o‘zlarini yanada chuqurroq anglash, muloqot madaniyatini rivojlantirish, stressni boshqarish hamda o‘qish jarayonida yuqori natijalarga erishish bo‘yicha zarur ko‘nikmalarga ega bo‘ldilar.
