Bugun, 13-noyabr sanasida O‘zbekiston davlat xoreografiya akademiyasi Urganch filialida “Aksilkorrupsiya oyligi” doirasida “Yoshlar korrupsiyaga yo‘q deydi” mavzusida davra suhbati tashkil etildi.
Tadbirda filialning Korrupsiyaga qarshi kurashish “Komplaens nazorat” tizimini boshqarish bo‘limi bosh mutaxassisi M.Nurullaev, fakultet dekani M.Amanbayeva hamda Xalqaro bo‘lim boshlig‘i B.Ro‘zmetova ishtirok etdilar.
Suhbat davomida ishtirokchilar korrupsiya holatlarining oldini olish, halollik tamoyillariga amal qilish, ta’lim jarayonida adolat va shaffoflikni ta’minlash masalalarida o‘z fikrlarini bildirdilar. 
Tadbirda talabalar bilan fikr almashildi, ularga korrupsiyaga qarshi kurashishda yoshlarning faolligi va mas’uliyati muhim omil ekani ta’kidlandi.
Tadbir yakunida talabalar halollik, poklik va mas’uliyatga chaqiruvchi fikr va takliflarini bildirdilar.
