Bugun, 27-oktabr sanasida Xorazm viloyat musiqali drama teatrida O‘zbekiston xalq artisti Tohir Saidovning 60 yillik yubileyi munosabati bilan tantanali kecha bo‘lib o‘tdi.
Mazkur tadbirda O‘zbekiston davlat xoreografiya akademiyasi Urganch filialining professor-o‘qituvchilari va ishchi-xodimlari ham ishtirok etishdi.
Tadbir davomida san’atkorning ijodiy faoliyati, O‘zbekiston madaniy hayotiga qo‘shgan katta hissasi haqida so‘z yuritildi.
Yubiley munosabati bilan Tohir Saidovning sahna faoliyatiga bag‘ishlangan videolavhalar namoyish etildi, hamkasblari, shogirdlari va san’at ixlosmandlari, sinfdoshlari tomonidan iliq tilaklar bildirildi.
