Bugun, 22-oktabr sanasida O‘zbekiston davlat xoreografiya akademiyasi Urganch filialida filial rahbariyati va talabalar ota-onalari ishtirokida uchrashuv bo‘lib o‘tdi.
Tadbirda filial direktori M.Kuchkarov, direktorning birinchi o‘rinbosari A.Saparbayev, Xoreografiya fakulteti dekani M.Amanbayeva hamda kafedra mudiri N.Abdiramonovlar so‘zga chiqib, o‘quv jarayoni, talabalarning darsga qatnashish holati, yotoqxona va ma’naviy-ma’rifiy muhit yuzasidan batafsil ma’lumot berdilar.
Uchrashuv davomida ota-onalar o‘zlarini qiziqtirgan savollarga javob oldilar, taklif va mulohazalarini bildirdilar. Filialga kela olmagan ota-onalar esa uchrashuvda onlayn tarzda ishtirok etdilar.
Muloqot davomida ishtirok etgan 40 nafar ota-onalarning ham fikr-mulohazalari, takliflari eshitildi.
Mazkur uchrashuv talabalarning o‘qish jarayoni va tarbiyasida ota-onalar hamkorligini yanada mustahkamlashga xizmat qildi.
