Tashrif davomida talabaning umumiy sog‘lig‘i, yashash sharoiti hamda xonadondagi sanitariya-gigiyena talablari bilan tanishildi. 
Suhbat chog‘ida talabaga is gazi xavfi haqida batafsil tushuntirishlar berildi, gazdan foydalanish qoidalari eslatib o‘tildi. 
Yoshlar yetakchisi tomonidan talabaga ijtimoiy va ma’naviy ko‘mak ko‘rsatish borasida ham maslahatlar berildi. 
Shuningdek, talabaga zarurat tug‘ilganda murojaat qilishi mumkin bo‘lgan mas’ul shaxslar va favqulodda vaziyatlar xizmati raqamlari eslatib o‘tildi.
Filial rahbariyati barcha talabalarga o‘z salomatligi va xavfsizligini birinchi o‘ringa qo‘yishni, gaz va elektr jihozlaridan foydalanishda ehtiyotkorlikni kuchaytirishni yana bir bor eslatadi.
