Bugun, 22-sentabr kuni O‘zbekiston davlat xoreografiya akademiyasi Urganch filialida Favqulodda vaziyatlar boshqarmasi tomonidan navbatdagi seminar o‘tkazildi.
Seminar 15-sentabrdan 15-oktabrgacha respublika miqyosida davom etayotgan “Yongindan ogohlik” umummilliy kampaniyasi doirasida tashkil etildi. Tadbirda xonadonlarda, talabalar turar joylari va ijara uylarida yong‘in xavfsizligini ta’minlash, favqulodda vaziyatlarda to‘g‘ri harakat qilish qoidalari yuzasidan batafsil tushuntirishlar berildi.
FVB xodimi, katta leytenant Anvar Rajabov yong‘inga qarshi vositalardan foydalanish bo‘yicha ko‘rsatmalar berib, kundalik hayotda e’tibor qaratilishi zarur bo‘lgan xavfsizlik choralarini ham eslatib o‘tdi.
