2025-yil 6-sentabr kuni Oʻzbekiston davlat xoreografiya akademiyasi Urganch filiali 1-bosqich talabalari bilan ijtimoiy tarmoqlardan toʻgʻri va samarali foydalanish, jumladan, oliygohning rasmiy sahifalariga aʼzo boʻlish tartibi yuzasidan tushuntirish ishlari olib borildi.
Mazkur jarayonda filial matbuot kotibi Shohida Sapayeva talabalar bilan ochiq muloqot oʻtkazib, axborot xavfsizligi, ijtimoiy tarmoq madaniyati, rasmiy va ishonchli manbalarni tanlash, shuningdek, akademiyaning ijtimoiy tarmoqlardagi sahifalari orqali yangiliklar va eʼlonlardan xabardor boʻlib borish muhimligi haqida batafsil maʼlumot berdi.
