👉Bugun, 30-avgust sanasida  O‘zDXAUF Kengashning yangi o‘quv yilidagi birinchi yig‘ilishi bo‘lib o‘tdi. Unda filial rahbariyati, professor-o‘qituvchilar va mas’ul xodimlar ishtirok etdilar.
Yig'ilish avvalida filial direktori M.Kuchkarov barcha jamoa a'zolarini Mustaqillik bayrami bilan samimiy tabriklab, ezgu tilaklarini bildirdi.Shundan keyin kun tartibida bir qator dolzarb masalalar muhokama qilindi. Jumladan:
2025/2026-o‘quv yili uchun filial Kengashi ish rejasi va tarkibi ko‘rib chiqildi hamda tasdiqlandi.
🎓Talabalar qabuli natijalari yuzasidan mas’ullar hisobot berdi.
Yangi o‘quv yiliga tayyorgarlik, 1-kurslar uchun ta’lim yo‘nalishlari bo‘yicha o‘quv-uslubiy hujjatlar muhokama qilinib, tasdiqlashga qaror qilindi.
Filialning tarkibiy tuzilmasiga kiritiladigan o‘zgarishlar yuzasidan ham takliflar bildirilgan bo‘lib, ular kengash a’zolari tomonidan ma’qullandi.
Yig‘ilish yakunida filial rahbariyati tomonidan bir guruh xodimlar taqdirlandi.