Bugun, 7-iyul sanasida O‘zbekiston davlat xoreografiya akademiyasi Urganch filialida muhim yig‘ilish bo‘lib o‘tdi. Unda filial rahbariyati, ijodiy yo‘nalish rahbarlari, mutaxassis pedagoglarhamda imtihon jarayonlarini muvofiqlashtiruvchi mas’ul xodimlar ishtirok etdi.
Yig‘ilishda 2025-2026-o‘quv yili uchun abituriyentlar qabuliga oid ijodiy (kasbiy) imtihonlarni tashkil etish va ularni yuqori saviyada o‘tkazish masalalalari muhokama qilindi. Jumladan, imtihon topshiruvchilar uchun zarur shart-sharoitlar yaratish, shaffoflik va adolat tamoyillarini qat’iy ta’minlash kabi masalalarga alohida e’tibor qaratildi.
