Kuni kecha, 25-noyabr sanasida O‘zbekiston davlat xoreografiya akademiyasi Urganch filiali Korrupsiyaga qarshi kurashish “Komplayens-nazorat” tizimini boshqarish bo‘limi tomonidan 2-4-bosqich talabalari ishtirokida “Yoshlar korrupsiyaga yo‘q deydi” mavzusida davra suhbati tashkil qilindi.
Uchrashuvda talabalarga o‘qish jarayonida korrupsiya holatlariga yo’l qo’ymaslik va oldini olishga qaratilgan tartib-tamoyillar tushuntirilib, ma'lumotlar berildi. Talaba-yoshlarga “Korrupsiyaga qarshi kurashish toʻgʻrisida” va “Manfaatlar toʻqnashuvi toʻgʻrisida” Oʻzbekiston Respublikasining Qonunlarida keltirilgan “Korrupsiya”, “Korrupsiyaga oid huquqbuzarlik”, “Manfaatlar toʻqnashuvi”, “Shaxsiy manfaatdorlik”, “Yaqin qarindoshlar” kabi atamalarning mazmuni va mohiyati filialning Ilmiy ishlar va innovatsiya bo‘yicha direktor o‘rinbosari B.Shaxanov, Xotin-qizlar qo‘mitasi raisi B.Sapaeva, filial bosh mutaxassisi K.Urazmetovalar tomonidan tushuntirib berildi. 
