Bugun O‘zbekiston davlat xoreografiya akademiyasi Urganch filiali talabalari tomonidan “Ustozga ta’zim” nomli bayram dasturi tashkil qilindi. Dastur avvalida O‘zbekiston davlat xoreografiya akademiyasi Urganch filiali direktori v.v.b Atabek SAPARBAYEV filial professor-o‘qituvchilarini 1-oktabr “Ustoz va murabbiylar kuni” bilan samimiy qutladi.
Bayram tadbiri davomida bir guruh professor-o‘qituvchilar filial rahbariyati tomonidan taqdirlandilar.
Shundan keyin faol talabalar “Ustozga ta’zim” deb nomlangan milliy va zamonaviy raqslardan iborat konsert dasturini taqdim etishdi.
Ko‘tarinki kayfiyatda o‘tkazilgan bayram tadbirida, talabalar tomonidan ustoz-murabbiylarni ulug‘lab she’ru-qo‘shiqlar ijro qilindi. Ustozlarning mashaqqatli, shu bilan birga sharafli kasbi e’tirof etildi.
