Qabul komissiyasi aʼzolari ishtirokida yigʻilish boʻlib oʻtdi.

Bosh sahifa > FILIAL

2026-yil 6-iyul kuni Oʻzbekiston davlat xoreografiya akademiyasi Urganch filialida qabul komissiyasi aʼzolari ishtirokida yigʻilish boʻlib oʻtdi.

Yigʻilish filial direktori M.B.Kuchkarov boshchiligida oʻtkazilib, unda 2026/2027-oʻquv yili uchun qabul jarayonlarini yuqori saviyada tashkil etish masalalari atroflicha muhokama qilindi.

Xususan, amaliy (ijodiy) imtihonlarning adolatli, shaffof va xolis oʻtkazilishini taʼminlash, korrupsiya holatlarining oldini olish hamda har qanday noqonuniy aralashuvlarga yoʻl qoʻymaslik boʻyicha masʼullarga tegishli topshiriqlar berildi. Shuningdek, imtihon jarayonlarida ochiqlik va shaffoflikni taʼminlash maqsadida onlayn translatsiyani sifatli tashkil etish, texnik vositalarning uzluksiz ishlashini nazorat qilish hamda barcha jarayonlarni belgilangan tartib asosida olib borish yuzasidan zarur chora-tadbirlar belgilandi.

Yigʻilish davomida abituriyentlar va ularning ota-onalari uchun qulay sharoitlar yaratish, kutish hududlarini tashkil etish, zarur maʼlumotlarni oʻz vaqtida yetkazish, murojaatlarga tezkor va xolisona javob berish masalalariga ham alohida eʼtibor qaratildi.

Yakunda filial direktori M.B.Kuchkarov qabul jarayonining har bir bosqichida qonunchilik talablariga qatʼiy rioya etish, shaffoflik va xolislik tamoyillarini taʼminlash hamda filial nufuziga munosib tarzda faoliyat olib borish barcha masʼul xodimlarning ustuvor vazifasi ekanligini taʼkidladi.