Bugun aholi, ayniqsa yoshlar o‘rtasida sog‘lom turmush tarzini keng targ‘ib etish, giyohvandlik va narkojinoyatlarning oldini olishga qaratilgan ma’naviy-ma’rifiy hamda targ‘ibot tadbirlari doirasida Respublika ishchi guruhi a’zosi I.Choriyev tomonidan O‘zbekiston davlat xoreografiya akademiyasi Urganch filialida olib borilayotgan ishlar o‘rganildi.
Tashrif davomida ushbu yo‘nalishda amalga oshirilayotgan chora-tadbirlarning samaradorligi atroflicha tahlil qilinib, bajarilgan ishlarni tasdiqlovchi hujjatlar batafsil ko‘zdan kechirildi.Bundan tashqari, targ‘ibot jarayonida foydalanilayotgan ko‘rgazmali vositalar, bukletlar, videoroliklar va boshqa materiallar bilan yaqindan tanishildi.
