2026-yil 23-mart kuni Ozarbayjonlik mehmonlarning tashrifi doirasida mezbonlar va mehmonlar ishtirokida qiziqarli va mazmunli mahorat darslari tashkil etildi. Unda Ozarbayjonlik mehmonlarga o‘zbek milliy raqslarining turlari, ularning o‘ziga xos uslublari hamda nafis harakatlari filial xoreograflari tomonidan amaliy tarzda o‘rgatildi.
Shu bilan birga, mehmonlar ham o‘z navbatida Ozarbayjon milliy raqslariga xos bo‘lgan harakat va usullarni namoyish etib, ularni ishtirokchilarga o‘rgatdilar.
Bu jarayon o‘zaro tajriba almashish, san’at orqali madaniyatlarni yanada yaqinlashtirish va ijodiy hamkorlikni mustahkamlashga xizmat qildi.
Mazkur mahorat darslari samimiy muhitda o‘tib, ishtirokchilarda katta taassurot qoldirdi hamda kelgusida bunday ijodiy uchrashuvlarni muntazam tashkil etish muhimligi ta’kidlandi.
