⚡️O‘zbekiston davlat xoreografiya akademiyasi Urganch filialida “Rahbar va yoshlar” uchrashuvi tashkil etildi.
Unda filial direktori M.B.Kuchkarov yosh xodimlar bilan ochiq muloqot o‘tkazib, ularning muammo va takliflarini tingladi. 
Samimiy va konstruktiv ruhda o‘tgan uchrashuv davomida yoshlar tomonidan bir qator muhim tashabbuslar ilgari surildi. 
Jumladan, filialda “Direktor kubogi” sport musobaqalarini yo‘lga qo‘yish, shuningdek, chet tillarini o‘rganishga qaratilgan to‘garaklar tashkil etish takliflari bildirildi.
🟥Uchrashuv yakunida direktor tomonidan yoshlarning fikr va tashabbuslari qo‘llab-quvvatlanishi, ularni amaliyotga joriy etish bo‘yicha tegishli choralar ko‘rilishi ta’kidlandi. 
Mazkur muloqot yoshlarning faolligini oshirish va filial hayotini yanada rivojlantirishga xizmat qilishi kutilmoqda.
