Qutlugʻ bayramlar arafasida Urganch shahrida zamonaviy madaniyat markazi binosi foydalanishga topshirildi. Viloyat hokimi Joʻrabek Raximov, Oʻzbekiston Respublikasi Madaniyat vazirining 1-oʻrinbosari Avazxon Tojixonov so‘z olgan ochilish marosimida O‘zbekiston davlat xoreografiya akademiyasi Urganch filiali direktori Maksudjon Kuchkarov hamda filial xodimlari va talabalari ham ishtirok etishdi. 
Tantanali ochilish marosimidan keyin filial jamoasi, keng jamoatchilik bilan birga Navro‘z ayyomi munosabati bilan “Yoshlik” sport majmuasida “Navro‘zni ulug‘lash — insonni ulug‘lashdir!” shiori ostida tashkil qilingan viloyat sayliga tashrif buyirishdi.
