2026-yil 10-mart kuni Oʻzbekiston davlat xoreografiya akademiyasi Urganch filiali vakillari “Akademik halollik” mavzusida tashkil etilgan seminarda onlayn tarzda ishtirok etdilar.
Seminarda filialning Oʻquv-uslubiy boshqarma boshligʻi Usmon Qalandarov, Taʼlim sifatini nazorat qilish bo‘limi boshlig‘i Temur Ahmedov hamda bosh mutaxassis Dilnoza Atabayeva qatnashib, akademik halollik tamoyillarini taʼlim jarayonida keng joriy etish, talabalar va pedagoglar o‘rtasida halollik madaniyatini shakllantirish hamda baholash jarayonlarining shaffofligini taʼminlash masalalari bo‘yicha maʼlumotlarga ega bo‘ldilar.
Seminar davomida akademik halollikning taʼlim sifatini oshirishdagi ahamiyati, plagiatning oldini olish, mustaqil taʼlim jarayonida halollik tamoyillariga rioya qilish hamda zamonaviy taʼlim tizimida ushbu tamoyillarning o‘rni haqida fikr almashildi.
