Bugun 2-fevral kuni O‘zbekiston davlat xoreografiya akademiyasi Urganch filiali tashabbusi bilan “Antiplagiat” MCHJ rahbari V.A.Bashkareva ishtirokida Antiplagiat tizimi yuzasidan ilmiy-amaliy video seminar tashkil etildi.
Mazkur seminar davomida ilmiy ishlarda akademik halollikni ta’minlash, plagiatning oldini olish, Antiplagiat tizimidan samarali foydalanish hamda ilmiy tadqiqotlar sifatini oshirish masalalari muhokama qilindi.
Seminarda filial professor-o‘qituvchilari hamda ilmiy faoliyat bilan shug‘ullanuvchi xodimlar faol ishtirok etib, mavzu yuzasidan o‘zlarini qiziqtirgan savollarga mutaxassisdan batafsil javoblar oldilar.
