Ayni kunlarda poytaxtda madaniy ta’lim yo‘nalishida ilk marotaba o‘tkazilayotgan Xalqaro konferensiya yuqori darajada davom etmoqda. Tadbirda dunyoning 10 dan ortiq mamlakatlaridan yetakchi mutaxassislar, ekspertlar va tashkilot vakillari offlayn hamda onlayn tarzda ishtirok etmoqda.
Mazkur konferensiya O‘zbekiston Respublikasi Madaniyat vazirligi, Ta’lim, fan va madaniyat masalalari bo‘yicha Islom tashkiloti (ICESCO), Ta’limni rivojlantirish respublika ilmiy-metodik markazi hamda Madaniyat vazirligi huzuridagi Madaniyat ta’limi markazi hamkorligida tashkil etilgan.
Ushbu nufuzli anjumanda O‘zbekiston davlat xoreografiya akademiyasi Urganch filiali direktori Maxsudjon Kuchkarov ham ishtirok etib, xalqaro mutaxassislar bilan tajriba almashmoqda.
