Test sinovlari uchun ruxsatnoma yuklab olishni unutmang

Ertaga test sinovining ilk kunida birinchi smena soat 7:00 da boshlanadi. Abiturientlar test o‘tkaziladigan hududga 1 soat oldin kelishlari kerak.

Mendagi  ma’lumotlarga ko‘ra, ertangi test sinovi uchun minglab abiturientlar hali ruxsatnoma yuklab olmagan. Bu degani ular qachon va qaerda testga kirishini bilolmaydi va testdan qolib ketadi.

Yana bir bor ruxsatnoma yuklab olishingiz kerakligini eslatib o‘taman. Test sinoviga kirish uchun albatta abiturient ruxsatnomasini qog‘ozda chop etib (pechat) olgan bo‘lishingiz kerak (rangli bo‘lishi shartmas, oq-qora ham bo‘laveradi).

Ruxsatnomalarni https://my.dtm.uz/allow manzilidan pasport seriya va raqami hamda JShShIR raqamini kiritgan holda olish mumkin (shaxsiy kabinet parolini bilish shartmas, telefonga SMS kelishi ham shartmas).

Shuningdek, quyidagi botlar orqali ham yuklab olish mumkin:

? @e_dtm_mandatbot

? @e_dtm_mandat1bot

? @e_dtm_mandat2bot

? @e_dtm_mandat3bot

? @e_dtm_mandat4bot

O‘qishga topshirgan yaqinlaringizga ham eslatib qo‘ying, ular ham hali ruxsatnomani yuklab olmagan bo‘lsa, bu ishni tezda qilishsin.