15-may — Xalqaro oila kuni munosabati bilan O‘zbekiston davlat xoreografiya akademiyasi Urganch filialida ma’naviy-ma’rifiy ruhda davra suhbati tashkil etildi. Tadbirda filial professor-o‘qituvchilari, xodimlar hamda jamoa vakillari ishtirok etib, oilaning jamiyatdagi o‘rni, milliy qadriyatlar, oilaviy totuvlik va farzand tarbiyasidagi mas’uliyat haqida fikr almashildi.
Tadbir davomida bugungi kunda o‘zining ibratli hayoti, ahilligi va jamiyatdagi faolligi bilan barchaga namuna bo‘lib kelayotgan, “Ibratli oila” ko‘krak nishoni sohiblari — Mariya Pirgambetova hamda Nurmat Boboyev filial jamoasi nomidan samimiy muborakbod etildi.
Ularning oilaviy qadriyatlarga sodiqligi, mehnatsevarligi va yosh avlod tarbiyasiga qo‘shayotgan hissasi alohida e’tirof etilib, ezgu tilaklar bildirildi. Tadbir yakunida ishtirokchilar oilani qadrlash, mehr-oqibat va hamjihatlik muhitini mustahkamlash har bir insonning muhim burchi ekanini ta’kidladilar.
