Bugun, 2026-yil 23-aprel kuni O‘zbekiston davlat xoreografiya akademiyasi Urganch filiali jamoasi "Qatag‘on qurbonlari xotirasi" muzeyiga tashrif buyurdi.
Sayohat davomida muzey mutaxassisi tashrif buyuruvchilarni muzey faoliyati bilan yaqindan tanishtirib, qatag‘on qurbonlarining hayoti, ularning boshidan kechirgan sinovlari va tarixiy taqdiri haqida batafsil ma’lumotlar berdi.
Tashrif ishtirokchilari muzey eksponatlari orqali o‘tgan asrning murakkab va fojeali voqealarini yanada chuqurroq anglab, ularning tarixiy ahamiyatini his etdilar. Mazkur tashrif nafaqat bilimlarni boyitdi, balki tarixga hurmat va ajdodlar xotirasiga ehtirom tuyg‘ularini mustahkamladi.
