O‘zbekiston davlat xoreografiya akademiyasi Urganch filialida 1-bosqich talabalari uchun ilmiy ishlar bo‘yicha tushuntiruv darsi tashkil etildi.

Bosh sahifa > TUZILMA / RAHBARIYAT / Ilmiy ishlar va innovatsiyalar bo'yicha direktor o'rinbosari

2025-yil 5-sentabr kuni O‘zDXAUFda 1-bosqich talabalari ishtirokida ilmiy-tadqiqot faoliyati yuzasidan ma’lumot beruvchi dars tashkil etildi.
Mazkur darsda filialning Ilmiy ishlar va innovatsiyalar bo‘yicha direktor o‘rinbosari Bobur Shaxonov talabalar bilan ochiq muloqot o‘tkazdi. U o‘z ma’ruzasida ilmiy-tadqiqot ishlarining mazmun-mohiyati, ilmiy maqola va loyihalar yozish tartibi, ilmiy etika, hamda innovatsion yondashuvlar haqida batafsil tushunchalar berdi.

Talabalar o‘zlarini qiziqtirgan savollar bilan murojaat qilishdi va ilmiy izlanishlarga bo‘lgan qiziqishlarini bildirishdi. Bu kabi uchrashuvlar talabalarda ilmiy fikrlash ko‘nikmalarini shakllantirish, ularni mustaqil izlanishga yo‘naltirish hamda ilmiy salohiyatini oshirishda muhim ahamiyat kasb etadi.
Tadbir yakunida talabalarga ilmiy faoliyatni boshlash uchun zarur metodik tavsiyalar berildi.