Bugun bo‘lib o‘tayotgan “Talaba Expo – 2025” ko‘rgazmasida O‘zbekiston davlat xoreografiya akademiyasi Urganch filiali talabalari ham faol ishtirok etmoqda. Ushbu tashrif filial direktori M.Kuchkarov hamda direktorning 1-o‘rinbosari A.Saparbayev boshchiligida amalga oshirilmoqda.
Talabalar ko‘rgazma doirasida turli tashkilot va muassasalarning faoliyati bilan yaqindan tanishib, mehnat bozoridagi real talablar, bo‘sh ish o‘rinlari, amaliyot va ishga joylashish imkoniyatlari haqida muhim ma’lumotlarga ega bo‘lmoqdalar.
Mazkur tadbir talabalar uchun kasbiy yo‘nalishini to‘g‘ri tanlash, kelajakdagi faoliyatlariga puxta tayyorgarlik ko‘rish hamda ish beruvchilar bilan bevosita muloqot qilish imkonini bermoqda.
