Bugun O‘zbekiston davlat xoreografiya akademiyasi Urganch filialida “2024-2025 o‘quv yilidagi rejalar, o‘quv jarayonlarining boshlanishi va talabalarni TTJ bilan ta’minlash borasida amalga oshirilgan ishlar" mavzusida matbuot anjumani bo'lib o‘tdi.
Anjuman davomida 2023-2024 o‘quv yilida erishilgan yutuqlarga to‘xtalinib, yangi o‘quv yilidagi rejalar borasida ma’lumotlar berildi.Xususan, yangi o‘quv yili jarayonlaridagi yangiliklar, ilmiy bo‘lim faoliyati, filial talabalarinig nafaqat O‘zbekiston balki jahon miqyosidagi tanlovlarda ishtiroki va yutuqlari haqida O‘zbekiston davlat xoreografiya akademiyasi Urganch filiali direktori v.v.b A.Saparbayev, O‘quv ishlari bo‘yicha direktor o‘rinbosari S.Otamuradov, Ilmiy ishlar va innovatsiyalar bo'yicha direktor o'rinbosari B.Shahanovning ma’ruzalari tinglandi. 
Shuningdek, O‘zbekiston davlat xoreografiya akademiyasi Urganch filiali talabalar turar joyida yaratilgan sharoitlar, nazariy va amaliy o‘quv mashg‘ulotlari jarayonlari bilan bevosita tanishtirish maqsadida jurnalist va blogerlar, OAV vakillari uchun press-tur o‘tkazildi.
Press-tur ishtirokchilari “Lazgi” bo‘limi faoliyati va muzey bilan tanishdilar. OAV vakillari o‘quv binosida talabalar uchun yaratilgan qulayliklar, TTJdagi sharoitlarni alohida e’tirof etishdi.
