Bugun, 2025-yil 4-sentabr kuni O‘zbekiston davlat xoreografiya akademiyasi Urganch filialida 2025–2026-o‘quv yilida 1-bosqichga qabul qilingan talabalar uchun ochiq dars tashkil etildi.

Mazkur dars “Oliy taʼlim tizimini modernizatsiyalash – davr talabi: kredit-modul tizimini qo‘llash misolida” mavzusiga bag‘ishlandi. Unda O‘quv ishlari bo‘yicha direktor o‘rinbosari Sanjar Otamuratov talabalarga zamonaviy oliy ta’lim tizimida qo‘llanilayotgan kredit-modul tizimining mohiyati, afzalliklari va amaliyotdagi o‘rni haqida atroflicha tushuncha berildi.

Dars jarayonida yangi o‘quv tizimining talabalarning mustaqil ta’lim olish ko‘nikmalarini rivojlantirishdagi roli, baholashning shaffofligi, fanlararo integratsiyani ta’minlashdagi qulayliklari va talabaning individual rivojlanishiga qo‘shayotgan hissasi haqida fikr almashildi.

Shuningdek, kredit-modul tizimi asosida o‘qitish jarayonining tashkiliy va metodik jihatlari, reyting tizimi, fanlar bloklari, mustaqil ishlar va nazorat turlari yuzasidan amaliy misollar bilan izohlar berildi.

Dars so‘ngida talabalar o‘zlarini qiziqtirgan savollar bilan murojaat qilishdi va mutaxassislar tomonidan batafsil javoblar olishdi.