#BAYRAM_TABRIGI #31_YILLIK
Assalomu alaykum aziz yurtdoshlar, qadrli hamkasblar va talaba-yoshlar!
Bugun buyuk va muqaddas bayramimiz - Vatanimiz Mustaqilligining 31 yilligi arafasida sizlarni ushbu ayyom bilan chin qalbimdan samimiy qutlayman.
Mamlakatimiz mustaqilligining о‘tayotgan 31 yili davlatimiz va xalqimiz hayotida keng kо‘lamli islohotlar, ulkan yangilanish va bunyodkorlik ishlari amalga oshirilgan davr sifatida tarix zarvaraqlaridan joy oldi. Xususan, sо‘nggi besh yillikda madaniyat va san’at sohasiga oid qator qaror va farmonlar, olib borilayotgan tub islohotlar sabab raqs san’atimiz yangi taraqqiyot sari yuz tutmoqda.
Jumladan, O‘zbekiston Respublikasi Vazirlar Mahkamasining “Milliy raqs san’ati sohasida malakali mutaxassislar tizimini yanada takomillashtirish, Xorazmning qadimiy raqsi “Lazgi”ni asrab avaylash uni ilmiy o‘rganish jahon miqyosida keng targ’ib qilish maqsadida O‘zbekiston davlat xoreografiya akademiyasi Urganch filialini tashkil etish tо‘g‘risida”gi qaroriga asosan О‘zbekiston davlat xoreografiya akademiyasining tashkil etilishi Xorazmning qadimiy raqsi “Lazgi” raqsiga haqiqiy ma’noda hayot baxsh etdi. Qaror bilan “Lazgi” raqsining turli yо‘nalish va namunalari hamda ularni qayta tiklash, bu boradagi ta’lim-tarbiya ishlarini kuchaytirish belgilandi.Raqs san’atidagi bunday izchil о‘zgarishlar, yutuqlar Yangi О‘zbekiston taraqqiyotiga hamohang tarzda kechayotgani biz uchun ham quvonarli, ham faxrlanarli jarayondir.
Muhtaram yurtdoshlar, talaba-yoshlar!
Mustaqillik hadya etgan ne’matlardan bahramand bо‘lish, ular bilan faxrlanishimiz zarur! bizning asosiy maqsadimiz, burchimiz, ana shu mustaqillikni kо‘z qorachig‘idek asrab-avaylashimiz zarur! Yana bir bor sizlarni Vatanimizning Mustaqillik bayrami bilan chin qalbimdan tabriklayman, barchangizga sihat-salomatlik, oilaviy totuvlik, yurtimiz ahliga tinchlik tilayman.
О‘zbekiston davlat xoreografiya akademiyasi Urganch filiali direktori SH.X.Botirov
